Muller Salgada

Un premio que sabe a mar

A cultura do esforzo xeneroso, descoñecido, das mulleres do mar levou no añou 2020 á Asociación de Mulleres Salgadas a crear o Premio Muller Salgada, de carácter anual, coincidindo coa celebración do Día Internacional da Muller.

Este recoñecemento pretende ser unha merecida homenaxe ás mulleres do mar, anónimas, descoñecidas polo público en xeral, que desde o seu labor sacrificado, solidaria, positiva, contribuíron de maneira innegable ao desenvolvemento e progreso das profesións do mar, facendo avanzar as condicións laborais, económicas e sociais do sector pesqueiro

Muller Salgada 2020

Raquel Souto Miguens (Rianxo, 1983), Patroa Maior de Cabo de Cruz de 2014 a 2018, foi elixida por unanimidade Muller Salgada 2020, na primeira edición deste galardón.

Raquel foi exemplo de xestión, compañeirismo e valentía, asumindo, como Patroa Maior, unha confraría con importantes débedas e cun furtivismo de carácter violento ao que tivo que enfrontarse en moitas ocasións, sufrindo en primeira persoa ameazas e vandalismo contra os seus propios bens que non amedrentaron nadiña de nada a súa determinación.

Constitúe un modelo de futuro, de liderado feminino de calidade nun ámbito laboral masculino. Ademais, a súa mocidade -tiña apenas 30 anos cando se puxo á fronte da confraría de Cabo de Cruz- supón un importante reclamo para unha necesaria substitución xeracional no mar.

A entrega do Premio tivo lugar o 6 de marzo de 2020 no exterior da Confraría de Cabo de Cruz-Boiro, de mans da Conselleira do Mar, Doña. Rosa Quintana e coa presenza da Secretaria Xeral de Desenvolvemento Pesqueiro, Dña. Susana Rodrí guez